Kryeministri Edi Rama ishte sot në Valias, ku mori pjesë në ceremoninë e dorëzimit të shtëpive të reja. Në fjalën e tij, kreu i qeverisë nuk i kurseu batutat me qytetarët, sidomos me ata demokratë.
Ai tha se për Partinë Socialiste të gjithë janë të barabartë, ndaj dhe do të punohet për të gjithë njësoj.
“Nuk është faji im që ju e prisnit nga tjetër kush dhe jua bëri tjetër kush, kështu është jeta, të vjen nga se pret. Për ju demokratët e Kamzës paska qenë kjo botë sepse ju kundër, ne vu shtëpia. Ju me gur, ne me bukë. Nuk na vjen keq sepse të dy palët ecim bashkë, rëndësi ka që gjërat të shkojnë mirë për ju dhe akoma rëndësi ka që fëmijët e vegjël, të jenë në kushte optimale ashtu si ju e keni dëshiruar që të jetë e ardhmja e familjes tuaj kur keni ardhur në këtë zonë. Ky është një program për të gjithë si njerëz dhe si shqiptarë me të drejta të barabarta. Këtë lloj program e bën vetëm PS, më vjen keq për demokratët këtu. 21 kopshte dhe shkolla janë ndërtuar këtu. Ne do të vazhdojmë pa ndërprerje punën me të gjitha vështirësitë që na dalin para, ne nuk do të reshtim. Do të vijë ajo ditë kur dhe turistët do të vijnë në Kamëz, imagjino se çfarë të bën PS-ja”,-tha Rama./Opinion.al
