Po zhvillohet në këto momente, dita e 45 e protestës së “Unazës së Re” që po mbahet në zonën e “Astirit”
Edhe këtë mbrëmje banorët kanë bllokuar të dy akset e rrugës që të çon te mbikalimi.
Banorët u kanë bërë thirrje drejtuesve të mjeteve të fikin makinat dhe të bashkohen me ta.
Ndërkohë të vetmet mjete që janë lejuar të kalojnë janë ambulancat.
Banorët kanë lëshuar thirrje: “Gjiknuri në burg; poshtë oligarkët”
Po kështu banorët kanë akuzuar edhe kryeministrin Rama, kreun e ARRSH Afrim Qendro si edhe kryebashkiakun e Tiranës, Erion Veliaj.
Banorët nuk kanë lënë jashtë vëmendjes edhe kërcënimin ndaj gazetarit Ylli Rakipi që denoncoi aferën e korrupsionit me lotin e parë të Unazës.
“Një falënderim të veçantë kam edhe për Ylli Rakipin. Me kërcënime, me vjedhje, kanë ardhur në pushtet dhe tani tregojnë dhëmbët. Një turp i madh kush fshihet pas këtij krimi. Kontributi i këtyre banorëve dhe gazetarëve është i pamohueshëm”, tha një prej protestuesve.
