Banorët e fshatit Fushë-Peshtan, në Vërtop të Beratit kanë bllokuar sot rrugën në shenje proteste ndaj TAP-it. Sipas tyre, mjetet e rënda kanë nxjerrë jashtë përdorimit rrugën kryesore të fshatit.
Është rreth 1 kilometër rrugë në këtë fshat prej 400 famijesh, e cila sot është krejtësisht e shkatërruar dhe për gjendjen e saj banorët bëjnë përgjegjëse kompaninë TAP, që qarkullon në zonë me mjetet e saj.
Banorët kërkojnë përmirësimin e gjendjes së rruges, pasi në të kundërt nuk do të lejojnë qarkullimin e mjeteve të TAP.
Sakaq, Behar Zylyftari, kryetari i njësisë administrative thotë se është arritur një marrëveshje me drejtuesit e kompanisë dhe pas përfundimit të punimeve do të bëhet rikthimi i rrugës në gjendjen e mëparëshme.
