Kjo fushatë zgjedhore si edhe vitet e kaluara duket se ka përfshirë zyrtarë, apo institucione shtetërore. Disa nga drejtorët janë pezulluar nga puna e të tjerë janë për verifikim. Po ashtu sa ju përket institucioneve ditë më parë opinion.al ka publikuar takimet që Partia Socialiste në Lushnje zhvillonte brenda mjediseve të një shkolle.
Por nëse PS në Lushnje përdor shkollën me gjithë banka, sot ka ndodhur diçka tjetër. Bëhet fjalë për deputetin Eduart Ndocaj, i cili është edhe kryetari i PDKSH dhe Safet Gjicin të cilët kanë zhvilluar një takim në Kukës, me banorë të kësaj zone. Për këtë takim janë përdorur bankat e shkollës, të cilat janë nxjerr prej saj dhe janë vendosur në një shesh ku edhe Gjici ka zhvilluar takimin. Vihet re se takimi nuk është bërë shumë larg nga shkolla, por vetëm disa metra larg saj. /opinion.al
