Guvernatori Gent Sejko, në një deklaratë për mediat ditën e sotme bëri me dije se Banka e Shqipërisë rriti me 0.5% normën e interesit të lekut, duke e dërguar në nivelin 2.75%.
Vendimi u mor këtë të mërkurë në mbledhjen e radhës së Këshillit Mbikëqyrës të Bankës së Shqipërisë, ndikuar nga niveli i lartë dhe ende në rritje i inflacionit.
“Inflacioni i çmimeve të konsumit shënoi rritje të mëtejshme në tremujorin e tretë. Ky inflacion regjistroi një vlerë mesatare prej 7.9% gjatë tremujorit, duke shfaqur dhe rritje progresive gjatë tij.
Këshilli Mbikëqyrës vendosi:
- të rrisë me 0.5 pikë përqindje normën bazë të interesit, nga niveli 2.25% në nivelin 2.75%;
- të rrisë me 0.5 pikë përqindje normën e interesit të kredisë njëditore, nga niveli 3.25% në nivelin 3.75%;
- të rrisë me 0.5 pikë përqindje normën e interesit të depozitës njëditore, nga niveli 1.25% në nivelin 1.75%”, tha Sejko./Opinion.al
KOMENTO (0)
