Një e moshuar ka humbur jetën mëngjesin e sotëm në Devoll pasi banesa e saj u përfshi nga zjarri.
Mësohet se ngjarja ka ndodhur në fshatin Poloskë, ndërsa viktima është Nezaqet Gjoza, rreth 90 vjeçe..
E moshuara që jetonte aty ka ndërruar jetë pasi s’ka mundur të dalë dot nga banesa. Ngjarja dyshohet aksidentale.
Shërbimi zjarrfikës ndodhet në vendngjarje dhe po punon për shuarjen e zjarrit.
Dyshohet se në banesa ka pasur municione pasi herë pas herë janë dëgjuar shpërthime fishekësh. Policia vijon hetimet për ngjarjen./ Opinion.al
