Një ngjarje e rëndë është regjistruar mëngjesin e sotëm në Gjakovë, ku një vajzë e mitur ka humbur jetën pasi banesa e saj është përfshirë në flakë.
Mësohet se viktimë e flakëve ka mbetur një vajzë 11-vjeçare, ndërsa zëdhënësi i Drejtorisë Rajonale të Policisë në Gjakovë, Sheremet Elzaj, tha për KosovaPress se për ngjarjen janë lajmëruar rreth orës 01:40.
“Në banesën në fjalë pas shuarjes së zjarrit është gjendur trupi i viktimës femër/kosovare lindur në vitin 2011 për të cilën ekipi mjekësor ka konstatuar vdekjen e saj. Njësitet relevante të policisë kanë dalë në vendin e ngjarjes si dhe është njoftuar Prokurori i Shtetit me rekomandimin e të cilët është iniciuar rast ‘Hetim i Vdekjes’ dhe ‘Zjarrvënie’. Trupi i pa jetë është dërguar në IML për obduksion”,-tha Elezaj.
Edhe zjarrfikësit shkuan në vendngjarje ndërsa bashkë me policinë kishin bërën evakuimin e banorëve të tjerë të të njëjtit bllok banesor.
