Disa persona të paidentifikuar, mes të cilëve njëri me armë, kanë sulmuar një banesë në Fushë-Krujë, mesditen e kësaj të hëne. Sipas policisë nuk pati njerëz të lënduar, por autorët kanë arritur të marrin një shumë parash.
Banesa e grabitur i përket Isuf Çelës, i njohur si biznesmen në këtë qytet ndërsa ende nuk dihen rrethanat e plota të ngjarjes.
Kujtojmë se përgjatë orëve të fundit Fushë-Kruja është përfshirë nga një valë krimesh. Gjatë natës pati shpërthim tritoli, kurse të dielën në mëngjes, një tjetër banesë u sulmua nga hajdutët.
Njoftimi i policisë:
Fushë Krujë
Informacion Paraprak
Sot rreth orës 12:00, në lagjen “Punëtori”, në Fushë Krujë disa persona ende të paidentifikuar, dyshohet njëri prej tyre me armë, kanë hyrë në banesën e një shtetasi dhe kanë grabitur një sasi lekësh.
Në vendngjarje ndodhet grupi hetimor, i cili po punon për zbardhjen e ngjarjes, identifikimin dhe kapjen e autorëve./Opinion.al
