Kur dalim për të pirë diçka në mbrëmje, shpesh përveç gotës së verës na pëlqen të porosisim edhe kokteile të ndryshme. Parë nga këndvështrimi ynë ato janë një nga pijet më interesante, por për banakierët janë një makth i vërtetë ndonjëherë. Sidomos kur lokali është plotë me njerëz dhe secili prej tyre e do pijen e tij sa më shpejtë. E dini se cilat kokteile janë makthi më i madh i banakierëve? Zbulojeni si më poshtë:
Long Island me çaj të ftohtë – Një pije tillë kërkon shumë kohë për tu përgatitur dhe është mjaft e besdisshme për banakierët. Në netët kur ka shumë njerëz përgatitja e saj është një angari e madhe e cila shpesh i detyron ata të thonë se nuk e kanë në menu.
Mojito – “Ai që e ka shpikur Mojito-n, duhet ti urrejë pafund banakierët. E para sepse është një pije shumë komplekse dhe kërkon shumë kohë. Përgatitja e gjetheve është gjithashtu një hall i madh. Nëse doni që një banakier t’ju urreje (dhe nuk është aspak diçka e mirë), porosisni vazhdimisht Mojito.
Margarita – Edhe pse Margarita është shumë e lehtë për tu përgatitur, ta përziesh kokteilin për 20 sekonda ndërsa janë 100 të tjerë që presin, është një acarim i madh për banakierët. Thjesht mos e porosisni për shumë kohë.
