Vajza e dytë e ish-Presidentit të Shqipërisë, Bamir Topi, Etida, do të kurorëzojë sonte dashurinë e saj me djalin e biznesmenit, Luan Bregasi.
Revista “Bordo” ka mësuar se ceremonia do të nisë fillimisht me një festë me miqtë e ҫiftit, ndërsa në fundjavë do të mbahet edhe ceremonia zyrtare e martesës.
Mbrëmja e sotme me miq do të mbahet në ambientet e një prej hoteleve më të njohura në kryeqytet.
Nuk dihet nëse edhe kjo ceremoni do të ketë shumë të ftuar, ashtu si edhe dasma e vajzës së madhe, Nada, apo do të jetë një festë më private, por, siҫ shkruan “Bordo”, mes emrave të këngëtarëve që do të performojnë sot në mbrëmje, do të jetë edhe Marsela Çibukaj.
Etida Topi dhe djali i biznesmenit, Luan Bregasi, janë në lidhje prej disa vitesh, madje ata janë fotografuar shpesh në shoqërinë e njëri-tjetrit.
Dy vjet më parë, në qershor të 2014-ës, vajza e madhe e ish-Presidentit, Nada Topi, lidhi kurorën me Gurten Papulin, djalin e biznesmenit Agron Papuli.
