Mario Balotelli po përshtatet mirë me jetën e re në Francë. Ai ka shënuar gjashtë gola në pesë ndeshje në Ligue 1, një ecuri që vetëm Zlatan Ibrahimovic e ka bërë më mirë. Ibra iu bashkua PSG në vitin 2012, duke shënuar shtatë gola në pesë ndeshjet e para të Ligue 1, dhe PSG fitoi titullin në vitin e parë të suedezit në Francë. Padyshim që është shumë herët për të parashikuar fituesin e këtij sezoni, por golat e Balo-s e kanë çuar Nice gjashtë pikë larg vendit të dytë, ku ndodhen Monaco dhe PSG.
Nice mundi Nantes të dielën, me Balotelli-n që shënoi golin e gjashtë sezonal. Përveçse në një ndeshje, ai ka shënuar në të gjitha takimet. Trajneri i tij është shumë i kënaqur me paraqitjen e tij dhe beson se ai mund të përmirësohet akoma më shumë. “Ai veproi mirë te goli i shënuar. Ai është shumë i mirë në ato situata,” u shpreh trajneri Favre. “E kam thënë edhe më parë, ai mund të përmirësohet akoma. Sot ai lëvizi më shumë pa top se herët e tjera. Është diçka pozitive.”
