Balona kineze e spiunazhit që kaloi tranzit në SHBA në fillim të këtij viti, ishte në gjendje të kapte imazhe dhe të mblidhte disa sinjale të inteligjencës nga vendet ushtarake amerikane.
Sipas raportimeve të përditësuara nga CNN, balona ishte në gjendje të transmetonte informacionin në Pekin në kohë reale. Amerika thotë se ende nuk e di me siguri nëse qeveria kineze mund të fshinte të dhënat e balonës pasi e merrte atë, gjë që ka sjellur një sërë pikëpyetjesh mbi inteligjencën që balona kishte në gjendje.
Megjithatë Shtetet e Bashkuara kanë zbuluar përshkrimin e rrugës së balonës, në këtë mënyrë ata kanë mundur të censurojnë disa sinjale përpara se balona të ishte në gjendje t’i kapte ato dhe t’i raportonte në Kinë, thanë zyrtarët.
FBI është ende duke e ekzaminuar mjetin fluturues, por deri më tani zyrtarët kanë qenë në gjendje të mbledhin vetëm informacione shtesë rreth mënyrës se si funksionoi pajisja, duke përfshirë algoritmet e përdorura për softuerin e balonës dhe mënyrën se si fuqizohet dhe dizajnohet.
Mjeti fluturues si fillim kaloi në hapësirën ajrore të SHBA-së, mbi Alaskë në fund të janarit dhe përfundimisht u rrëzua nga SHBA në Bregun Lindor më 4 shkurt. Incidenti përshkallëzoi më tej tensionet midis Uashingtonit dhe Pekinit dhe bëri që Sekretari amerikan i Shtetit Antony Blinken të shtynte një vizitë diplomatike në Kinë./Opinion.al
