Ministrja e Infrastrukturës dhe Energjisë Belinda Balluku ka zhvilluar një takim me homologun grek Kostas Skrekas, me të cilin diskutuan për forcimin e bashkëpunimit Shqipëri-Greqi sa i takon sektorit energjetik.
Gjatë fjalës së saj, ministrja Balluku ka treguar se synohet që brenda vitit 2030 synohet që linja e re e trasmetimit midis Shqipërisë dhe Greqisë të jetë operative.
“Një ndër çështjet më të rëndësishme që kemi diskutuar është linja e re e interkoneksionit midis dy vendeve tona për të cilën operatorët e transmetimit kanë nisur punën menjëherë pas takimit që kemi pasur në Janar të këtij viti në Athinë. Presim që brenda vitit të ketë përfundimin e një studimi të mirëfilltë përsa i përket kësaj linje. Ne synojmë që brenda vitit 2030, linja e re e transmetimit midis Shqipërisë dhe Greqisë të jetë operativ”-tha Balluku.
Më tej Balluku u shpreh se është diskutuar edhe për një tjetër çështje të rëndësishme, atë të ngritjes së bursës energjitike shqiptare.
“Kemi diskutuar dhe për një çështje shumë të rëndësishme duke qenë se përfaqësuesi i kompanisë greke ndodhet këtu në Tiranë përsa i përket ngritjes së bursës energjitike shqiptare. Jemi duke bashkëpunuar ngushtë me sorsumin grek dhe si datë finale për nisjen e e operimeve është dhënë 23 Nëntori i këtij viti, ku ne do të performojmë duke përmbushur kështu një kusht për liberalizimin e tregut shqiptar, ashtu dhe siç kërkohet nga BE”-tha Balluku.
