-U tha në Opinion

Balluku: Tirana me një bypass të ri, Tuneli i Llogarasë efektiv në fund të 2024



Bëhu pjesë e Grupit Zyrtar të Opinion.al
>> KËTU <<
               Publikuar në : 23:40 - 12/12/22 |
Opi Nion

Zëvendëskryeministrja Belinda Balluku ka dhënë në emisionin “Opinion” një shpjegim të gjatë lidhur me projektet infrastrukturore që lidhin Shqipërinë me Kosovën dhe Maqedoninë. Duke folur gjithashtu për disa nga akset kryesore të rëndësishme në vend, ajo u ndal tek Thumanë Kashar për të cilën tha se është njëaks që punohet sot. “Është komplet rrugë e re nuk ka asnjë lidhje me gjurmën dhe bën lidhjen e rëndësishme të Rinasit”, tha Balluku ndërsa shpjegoi se lidhur me Tiranën do të ketë  një bypass të financuar nga Berzh me vlerë 191 milionë euro për të cilin së shpejti hapet dhe tenderi.

Ndërkohë lidhur me afatet e disa prej akseve dhe punëve publike në vend, Balluku shpjegoi se për portin e Durrësit janë parashikuar 36 muaj, për aksin Elbasan Qafë Thanë 24 muaj, ndërkohë që tuneli i Llogarasë do të jetë operativ në fund të vitit 2024.

“Porti është parashikuar të ndërtohet për 36 muaj nga momenti i mbylljes së garës. Tre vite ësshtë koha që të fillojmë të bëjmë transferimin e fazës së dytë të portit. Tuneli i Llogarasë do të jetë operativ në fund të vitit 2024. Lidhja e Thumanës me Kasharin do të jetë operative për 20 muaj nga sot.  Qukës- Qafë Pllocë ka patur projektin gati, ka patur problemin e financimit dhe koha kontraktuale është 18 muaj”, u shpreh Balluku./Opinion.al

Pas