Ministrja e Infrastrukturës Belinda Balluku, në një dalje për mediat pas mbledhjes se qeverisë bëri me dije se qeveria ka miratuar 3 akte për shpronësimet e banorëve që preken nga projektet në Infrastrukturë.
Bëhet fjalë për shpronësimet në qytetet e Vlorës, Patosit dhe Roskovecit.
“Qeveria kaloi 3 akte që janë të lidhur me shpronësimet në Bypass e Vlorës për të përfunduar punën e nisur në fillim sezonit veror 2022, shpronësimet në Patos për të vazhduar me projektin e shëtitores në kuadër të rilindjes së qytetit dhe në Roskovec që lidhet me punimet për ujësjellësin”, tha Balluku.
Balluku foli edhe për reformën në ujësjellës për të cilin tha: “Ne kemi nisur një reforme të thellë të sektorit që do të përfundojë brenda 12 muajsh dhe do të nis një mënyrë të re menaxhimi. Fondet e innvestuara në sektorin e ujit kanë rritur kushtet teknik të ujësjellësve, por nuk janë indikatorët që ne prisnin pas punës dhe shumës të madhe të investuar. Pa cenuar pushtetin vendor, por duke pasur parasysh që shërbimet cilësore janë prioritet dhe do të nisim reformë për sektorin e ujit për të rritur menaxhimin në secilin bashki’./Opinion.al
