Ministrja e Infrastrukturës dhe Energjetikës Belinda Balluku nëpërmjet një konference për shtyp, ka thënë se koncesionari kinez i aeroportit “Nënë Tereza” nuk ka përmbushur asnjë prej detyrimeve në fushën e sigurisë.
Balluku ka thënë me ironi se flamujt kinezë sapo zbret në Shqipëri të bëjnë të mendosh se je në Pekin, por kompania është e fokusuar vetëm te hapja e vendeve të parkimit. Balluku u shpreh se qeveria ka besuar te dialogu, por tashmë “koha ka mbaruar”. Gjithsesi, ajo nuk ka dhënë sqarime konkrete për hapat e mëtejshëm që do të ndjekë qeveria.
“Masat nga korriku 2016 pas grabitjes së parë kanë rënë në vesh të shurdhur. Masat e marra kanë qenë për të kaluar radhën. E vetmja investim që ka kompania kineze është ajo e parkingeve. Dje u bë një deklaratë patetetike. Flamujt kinezë që valviten në hyrje të Shqipërisë, të bëjnë të mendosh sikur ke zbritur në Pekin. Për cilin profesionalizën flet kompania kineze. Cilat kushte ka përmbushur koncesionari kinez atë të sigurisë. Kemi besuar te dialogu, tani boll limitet janë kapërcyer. Koha ka mbaruar”, ka thënë Balluku./Opinion.al
