Ministrja e Energjisë dhe Infrastrukturës, Belinda Balluku gjatë fjalës së saj në Kuvend ditën e sotme foli për anullimin e vendimit për vendosjen e fashës 800 kilovatë dhe akuzave të opozitës se ERE është vartëse e qeverisë.
Balluku tha se shtyrja e vendimit u bë për shkak të përmirësimit të kushteve hidrike të kaskadës në vend. Sipas saj ky vendim i prishi planet e opozitës për protestën e cila ishte përqendruar tek kjo kauzë.
Sa i përket sulmit ndaj ERE, ministrja iu përgjigj duke iu thënë se s’keni çfarë t’i bëni gomarit dhe i bini samarit.
“Unë e kuptoj që jeni mërzitur që nuk u aplikua fasha 800 kv/h. Ne nuk i marrim vendimet duke vlerësuar a mërziteni apo nuk mërziteni ju. Ju siguroj që nuk kemi pasur presion nga ju. Ne kemi vlerësuar situatën hidrike. Qytetarët kanë filluar të sensibilizohen për ulje të konsumit. Përmirësimi i kushteve hidrike të kaskadës dhe ulja e konsumit na bëri të rishikojmë rritjen e fashës për këtë muaj. Ne as e përdorim ERE-n, por edhe ju që i hidheni ERE-s në kurriz se nuk kemi çfarë i bëni gomarit dhe i bini samarit nuk është mirë. ERE ka burra dhe gra të nderuar, ju keni ka një javë që i bëni copë. ERE e ka bërë punën sic duhet. Është në dorë të ERE-s apo të qeverisë politike e mbrojtjes për ekspozimin e qytetarëve ndaj çmimit të rritur. Nëse qeveria vendos ta aplikojë mburojën sociale për të mbrojtur qytetarët do dalë ERE dhe do thotë jo mos i mbroni se mërzitet opozita se i bie kauza për protesta?! Na vjen keq që jeni mërzitur. Shpresojmë që edhe në nëntor të kemi përmirësim të situatës dhe ne do ta ofrojmë mburojën. Na vjen keq që ju prishëm planet”, tha ndër të tjera ministrja./Opinion.al
