Ministrja e Infrastrukturës dhe Energjetikës, Belinda Balluku gjatë takimit me disa kompani lider në tregun e energjisë në SHBA dhe BE u shpreh se ambicia e qeverisë për të kthyer vendin në faktor të sektorit energjetik ka krijuar hapësira bashkëpunimi.
Ndër të tjera ajo shtoi se kriza energjitike nuk ka kursyer asnjë shtet dhe ka ndikuar tregjet globale.
“Kriza nuk ka kursyer asnjë shtet dhe ka ndikuar në tregjet globale. Qeveria shqiptare kohë përpara se të shfaqej kjo krizë e ka para si prioritet të vendit tonë. Tani jemi në fazë ndërtimi të dy parqeve më të mëdha Fotovoltaike ndoshta më të mëdha në Ballkan. Ne tashmë po bëjmë realitet ëndrrat më të mëdha. Ambicia jonë për të kthyer vendin në faktor të sektorit energjetik ka krijuar hapësira për bashkëpunim. Varësia nga gazi rus ka lënë të ekspozuar mjaft vende të rajonit dhe Europës. Duke shfrytëzuar pozicionin e Shqipërisë dhe vizionin e qeverisë në jemi të aftë të korrim frytet e punës tonë, si një kontributor në të gjithë rajonin pse jo edhe të Europës. Por të gjitha këto projekte duan edhe partnerë serioz dhe ne jemi me fat që i kemi gjetur partner të tillë. Qeveria shqiptare ka arritur të ndërtojë një klimë biznesi serioze dhe transparente”,-tha Balluku.
