Zv/kryeministrja njëherësh ministrja e Infrastrukturës dhe Energjisë, Belinda Balluku ka inspektuar këtë pasdite punimet për ndërtimin e segmentit rrugor Ura e Çerenecit – Peshkopi.
Në dy kilometrat e parë të kësaj vepre ka nisur hedhja e shtresave të para asfaltike, ndërsa vijon puna në pjesën tjetër.
Ky segment, plotëson Rrugën e Arbrit duke shkurtuar edhe më distancën mes Dibrës dhe Tiranës.
Balluku njoftoi që me shumë gjasa deri në fund të Dhjetorit do të jetë edhe përfundimi tërësor i rrugës së Arbrit.
Belinda Balluku: Dhe nga ç’duket ky Dhjetori i 2024 do të jetë edhe përfundimi terësor i Rrugës së Arbrit, duke mbyllur tunelin e Murrizit me një shpresë shumë të madhe duke qenë se tashmë jemi drejt përfundimit të armatimit të të gjithë tunelit, pra janë 400 metrat e fundit.
Ky segment rrugor, i cili shkurton ndjeshëm distancën nga kryeqyteti me Peshkopinë, në më pak se 2 orë, pritet të dorëzohet në Nëntor të këtij viti.
Belinda Balluku: Me përfundimin e kësaj rruge mendoj që zgjidhet njëherë e mirë një ngërç shumë i madh që kishte të bënte me aksesin.
