Ministrja e Energjisë Belinda Balluku tha se kriza energjetike ka për Shqipërinë një kosto që shkon në të paktën 200 milionë euro me dy faza. Gjatë një interviste në emisionin “Opinion” Balluku tha ndër të tjera se megjithatë konsumatorin familjar nuk do te preket me rritje çmimi.
“Faza e parë llogarit 100 milionë euro deri në dhjetor dhe nga janari deri në fillim te pranverës janë 100 milion euro të tjera. Ne presim edhe rritje të niveleve te kaskadës”, tha Balluku duke bërë të ditur se nëse niveli i kaskadës rritet, këto kosto do të reduktohen.
“Qëllimi është që energjia që vjen nga kaskada të përdoret për konsumatorët dhe biznesin e vogël. Për të gjitha bizneset e mëdha të lidhura ne OSHEE që janë shkëputur dhe që janë të lirë nuk ka një plan masash. Ata kanë të drejteë që t’ju drejtohen disa shitësve te enegjisë për të marr çmimin më të ulët”, tha Balluku.
Ministrja edhe një herë theksoi se energjia do të paguhet me të njëjtin çmim dhe nuk do të ketë ndërprerje dhe për abonentët familjarë do të paguhet me të njëjtin çmim si dhe sot./Opinion.al
