Një 16-vjeçar ka ndërruar jetë mbrëmjen e sotme si pasojë e një aksidenti automobilistik. Ngjarja ka ndodhur në Ballsh, ndërsa 16-vjeçari që udhëtonte me një motoçikletë është përplasur nga një Ford i drejtuar nga një 34-vjeçar. Njëkohësisht është plagosur shoku i tij 18 vjeç, i cili është dërguar në spitalin e Fierit.
“Sot rreth orës 22:05, në vendin e quajtur “Ura e lumit”, Ballsh, shtetasi E. S., 34 vjeç, banues në Ballsh, duke drejtuar automjetin tip “Ford” është përplasur me një motomjet me të cilin udhëtonin shtetasit A. H., 16 vjeç dhe shtetasi L. A.,18 vjeç, të dy banues në Belishovë.
Si pasojë e përplasjes ka ndërruar jetë shtetasi A. H., ndërsa shtetasi L. A., është dëmtuar dhe ndodhet në spitalin e Fierit nën kujdesin e mjekëve.
Është shoqëruar në Komisariat drejtuesi i automjetit dhe po kryhen veprimet procedurale. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit”, njoftoi policia./Opinion.al
