Kreu i Partisë së Lirisë, Ilir Meta ka reaguar sërish në lidhje me nismën “Ballkani i Hapur”.
Përmes një postimi në Twitter, Meta thotë se kjo është një nismë jotransparente dhe përçarëse që do t’i shërbejë protagonizmit dhe dominimit të një vendi në dëm të vendeve të tjera. Meta shton se procesi i Berlinit duhet të mbështetet nga vendet e rajonit për të arritur objektivat e përbashkëta evropiane.
“Çdo nismë jotransparente dhe përçarëse që i shërben protoganizmit dhe dominimit të një vendi në dëm të vendeve të tjera në rajon vetëm efekte negative mund të ketë. Procesi i Berlinit duhet të mbështetet nga të gjitha vendet e rajonit si rruga më efektive e arritjes së objektivave të përbashkëta evropiane”, shkruan Meta./Opinion.al
2/2 Procesi i Berlinit duhet të mbështetet nga të gjitha vendet e rajonit si rruga më efektive e arritjes së objektivave të përbashkëta europiane.
— Ilir Meta (@ilirmetazyrtar) August 30, 2022
