Ish-deputeti i PD-së, Klevis Balliu ka folur në lidhje me situatën politike në vend si dhe ka komentuar takimin në Berlin të kryeministrit Edi Rama me kancelaren gjermane Angela Merkel.
Gjatë nj ëinterviste televizive, Balliu është shprehur se Rama është partner i krimin në vend, prandaj ai zgjodhi të kandidonte më 30 qershor persona të cilët kanë precedentë penal.
“PD ka faktuar cdo akuzë të saj, rasti i PD-së, është unik, ka provuar e faktuar çdo akuzë. Nga koncesionet e deri te inkriminimi i institucioneve. T’i themi qytetarëve që do hyjmë në Europë kur s’kemi gjykata, zgjedhje të lira, e kur ke banditë në krye të shtetit, qytetarët e dinë, të gjithë e dinë. Pse Europa nuk e di, nuk e di Merkel apo Macron që u bënë votime moniste? “ u shpreh Balliu.
Në lidhje me takimin e Ramës dhe Merkel, Balliu tha se kryeministri i dhurojë kancelares zhgarravinat e tij. Ai shtoi se Rama nuk ka projekte për vendin, ndërsa theksoi se qeveria ka vjedhur në kocesionet e rrugëve.
“Shkon kryeministri i një vendi si Shqipëria shkon e takon Anglea Merkel dhe i dhuroi zhkarravinat e tij, dhe jo një projekt se si Shqipëria po ecën përpara. Edi Rama nuk ka projekte.
Milot – Balldren është një vjedhje galoponte. Edi Rama po ligjëron vjedhjet. ku të shkosh të denoncosh? Te Arta Marku, të gjithë e dimë c’ka bërë me dosjet 184 e 339. Ky sistem ka vetëm një mision zhvat buxhetin, ia jep një oligarku për të ndërtuar disa kulla për të pastruar paratë e drogës. Ky është sistemi që ka ngritur Edi Rama. Nuk do ketë paqe derisa këtu të mbahet përgjegjësi për vjedhjen e buxhetit të shtetit dhe për vjedhjen e votave,-tha Balliu./ Opinion.al E.Xh.
