Deputeti i PD, Klevis Balliu që është çdo ditë në mbështetje të banorëve tek Unaza e Re (zona e Astirit) deklaroi sot se në këtë zonë nuk është shembur asnjë banesë. Ai tha se Edi Rama dhe Erion veliaj po mashtrojnë në rrjetet sociale për të përçarë protestën.
“Asnjë protestues nuk është larguar nga kauza e tyre. Veliaj është mashtrues ordiner.Asnjë shtëpi nuk është prishur dhe nuk do të prishet. Këtu nuk vendos as Rama dhe as Veliaj. Dua të denoncoj dhunën para arrestimeve dhe pas arrestimeve. Dua të denoncoj dhunën e ushtruar fizike dhe psikologjike. Ata e kanë kaluar vijën e kuqe. Ata i terrorizojmë para dhe pas protestave. Erjon Veliaj dhe Edi Rama do të mbajnë përgjegjësi. Këtu nuk është shkatërruar dhe nuk do të shkatërrohet. I ftoj mediat të publikojnë filmime, sepse këtu asnjë shtëpi nuk është prishur”, tha ai.
Reagimi i deputetit demokrat mori shkas nga deklaratat e Erion Veliaj i cili përmes një postimi në rrjetet sociale tha se kanë nisur shembjet tek Unaza e Re. “Familjet e para që preken nga projekti i Unazës lanë banesat primitive pa leje mbi kolektorë në gjurmë të rrugës, për një fillim të ri me banesa dinjitoze sociale. Koha që njerëzit të bëjnë llogarite e tyre, jo të shqupit që i ka mish për top!”, shprehet Veliaj.
