Shumica parlamentare është e vendosur të shkoj në zgjedhje e 30 Qershorit pavarësisht bojkotit të deklaruar nga ana e opozitës.
Numri dy i PS-së, Taulant Balla i kujton demokratëve që deklarojnë së do të gjejnë çdo formë për të bllokuar zhvillimin e zgjedhjeve çfarë parashikon Kodi Penal për këtë vepër.
“Eshtë vepër penale që dënohet deri në 7 vjet burg, kushdo që pengon zgjedhjet”, tha Balla nga Përrenjasi këtë të shtunë.
Por teksa nga opozita, që është jashtë Parlamentit kanë dalë pak detaje se si do veprohet, nëse në 30 qershor mbahen zgjedhjet lokale, paralajmërimi erdhi dy ditë më parë nga ish-kryeministri Sali Berisha.
Nga studio e Abc News ai tha se vendi po shkon drejt një përplasje civile dhe se për votën e lirë, ja vlen çdo veprim.
“Për votën e lirë ia vlen çdo veprim që kur kombet kanë sakrifikuar për të, ia ka vlejtur. Ne kemi djeg mandatet, ne jemi qytetarë të thjeshtë, jemi në betejë dhe opozita ka detyrë të udhëheqë këtë betejë me çdo çmim”, deklaroi Berisha.
Ndërkombëtarët deri tani janë pozicionuar në krah të qeverisë ndërsa kanë mbështetur individë të caktuar që të marrin mandatet e lëna nga opozita si dhe të marrin pjesë në zgjedhje./Opinion.al
