Taulant Balla ka dalë nga Konferenca e Kryetarëve afro një orë pasi mbledhjen e la kreu i grupit demokrat Edmond Spaho. Balla i bëri thirrje PD dhe LSI të mos braktisin parlamentin. Më herët Spaho tha se opozita ka kërkuar dorëheqjen e Ruçit pasi ka shkelur Kushtetutën në seancën e votimit për Kryeprokuroren Marku.
Sakaq Balla thotë se opozita mund të bojkotojë punimet e parlamentit edhe kjo sipas tij, do ti prishë punë Shqipërisë, jo PS-së.
Më poshtë deklarata e Ballës për gazetarët
I bëj thirrje Lulzim Bashës dhe opozitës që iu bashkangjit pas zgjedhjeve se sesionin parlamentar nis më datë 15 Janar. Kalendari i punimeve u miratua edhe me mungesën e opozitës. Do kemi një vendmmarrje të rëndësishme që i hap rrugë negociatave për anëtarësim në BE në Qershor.
Jemi të domosdoshëm të gjithë në parlament për të mos i prishur punë Shqipërisë. Bojkoti i sotëm i mbledhjes së Kryetarëve la të kuptohet se ata do të braktisin edhe seancën plenare. Kjo nuk i bën mirë opozitës dhe i prish punë Shqipërisë, jo PS-së. Ne duhet të jemi bashkë për negociatat me BE. Kjo është hera e parë që dy parti në opozitë bëhen bashkë kundër reformës në drejtësi.
I pyetur për kërkesën që paraqiti PD për dorëheqjen e Ruçit nga posti i kreut të PD, Taulant Balla tha “ata erdhën dhanë disa fjalë motorrike ku ishte dhe kjo kerkesë, por asnjëri nga ne nuk ia vuri veshin”.
Sot në Konferencën e Kryetarëve, morën pjesë vetëm në fillim të mbledhjes 4 deputetë të PD-së, ndërsa mungoi kreu i grupit të LSI, Vasili.
/Opinion.al
