Rreth orës 9:00 kryeministri Edi Rama zhvilloi në selinë e Partisë Socialiste mbledhjen me shtabin elektoral dhe drejtuesit politikë në qarqe.
Pas përfundimit të mbledhje, kreu i Grupit Parlamentar i PS, Taulant Balla, i cili tha se në këtë mbledhje pati diskutime organizative për zgjedhjet e 25 prillit.
Sipas tij, në këtë mbledhje pati diskutime organizative për zgjedhjet e 25 prillit. Teksa foli për mediat, Balla sulmoi dhe opozitën. Ai i cilësoi anëtarët e opozitës si politikanë të së keqes, pasi bëjnë politikë me pandeminë COVID-19.
“Ka pasur një raportim të ecurisë së punëve tona organizative. Në vëmendjen tonë të përhershme janë dhe problematikat që ngrenë qytetarët. Edhe në mbledhjen e sotme ka pasur një raportim të të gjitha çështjeve. Përveç drejtuesve politik të qarqeve, në mbledhjen e sotme ishin dhe ministrat, për të ndjekur çdo lloj problematike. Vëmendja jonë është për njerëzit, ndaj dhe qasja jonë për të adresuar problematikat e tyre është e vetmja. Ne vijojmë një komunikim të vazhdueshëm në çdo cep të territorit. Shpreh mbështetjen time dhe të kolegëve të mi për të gjithë bluzat e bardha, që janë në krye të detyrës, por kryesisht në qendrat spitalore, ku po përballen me të sëmurët. Ju shpreh falënderimet më të sinqerta për një punë të shkëlqyer që po bëhet. I bëj një thirrje miqësore politikanëve të së keqes, që të heqin dorë nga politika djallëzore dhe fyerjet e padrejta që iu adresojnë atyre që janë në krye të detyrës. Nuk ka asnjë opozitë kaq djallëzore në botë që të bëjë politikë me këtë situatë”, tha Balla.
Pse ka vetëvrasje në spitale?
Raste të tilla kanë ndodhur dhe në botë. Ju shpreh ngushëllime familjarëve. Më vjen keq për përpjekjen e katër politikanëve të së keqes, që sot mundohen të përdorin fatkeqësinë për llumin e tyre politik./ Opinion.al
