Kryetari i Grupit Parlamentar të Partisë Socialiste, Taulant Balla, ka reaguar pas deklaratës së ambasadores së SHBA, Yuri Kim lidhur me Byronë Kombëtare të Hetimit.
Teksa ka shpërndarë në “Twitter” postimin e kryediplomates amerikane, Yuri Kim, në lidhje me këtë çështje, Balla thekson se zbatimi i plotë i Reformës në Drejtësi dhe fillimi i menjëhershëm i Byrosë Kombëtare të Hetimit janë në rrugën e duhur.
Mes të tjerash ai dha mesazhin e qartë se asgjë nuk mund ta ndalë drejtësinë e re.
“Kishte ëndërrimtarë që u përpoqën të ndalonin aprovimin e Reformës në Drejtësi katër vite më parë. Zbatimi i plotë i Reformës në Drejtësi dhe fillimi i menjëhershëm i BKH janë në rrugën e duhur. Asgjë nuk mund ta ndalë drejtësinë e re”, shkruan Balla./Opinion.al
