Kreu i grupit parlamentar i Pasrtisë Socialiste, Taulant Balla deklaroi ditën e sotme se PS është tërhequr nga ndryshimet ligjore që janë bërë para tre vitesh për ligjin për mediat.
Në një komunikim me gazetarët në Fier, Balla theksoi se disa nga mediat në Shqipëri financohen nga rusët duke ndikuar kështu në minimin e demokracisë.
“Pas polemikave të krijuara lidhur me ligjin për median që kanë të bëjnë me shpifjen, dua të rikonfirmoj se ne kemi tërhequr ndryshimet ligjore që janë bërë para tre vitesh. Në kushtet që jemi, edhe në shumë vende ka rezoluta në PE kundër dezinformimit dhe ne kemi një rezolutë të tillë. Në fakt kemi një rrezik të vazhdueshëm që sponsorizohet me rublat ruse. Rusia ka ndikuar në minimin e demokracisë, duke favorizuar edhe mediat. Ky pushtet i katërt duhet të mos bjerë në financimet e paligjshme nga aktorët që minojnë demokracinë”, deklaroi Balla./Opinion.al
