Kryetari i grupit parlamentar, Taulat Balla, ka folur për mediat pas rrëzimit në Kuvend të dekretit të presidentit Meta për Kodin Zgjedhor.
Balla tha se institucionet përgjegjëse për organizimin e zgjedhjeve, tashmë kanë kodin e ri zgjedhor për të garantuar zgjedhjet. Ndër të tjera, ai theksoi se maxhoranca e mirëpret çdo lloj rekomandimi të Komisionit të Venecias, edhe pse Venecia në përgjigjen që ktheu tha se nuk bëhej fjalë për një rast urgjent.
Gjithashtu, Balla nuk kurseu sulmet ndaj presidentit duke deklaruar se ai është shoqëruar me individë me të shkuar kriminale.
“Që nga ky moment, instuticionet përgjegjëse për organizimin e zgjedhjeve, kanë kodin e ri zgjedhor për ta ndjekur dhe për të garantuar zgjedhjet. Gjej rastin të shpreh vlerësimin se ne gjithmonë si mazhorancë në Kuvend e kemi pritur dhe e mirëpresim çdo lloj rekomandimi që vjen nga Komisioni i Venecias, të njëjtën gjë do të bëjmë edhe në rastin në fjalë. Edhe pse Venecia ishte e qartë në përgjigjen që ktheu se nuk ishte rast urgjent. Kemi marrë modelet më të mira të listave të hapura në Europë. Besoj qe Presidenti i Republikë s’ka marrë një përgjigje të qartë nga Kuvendi, e ftoj të heq dorë nga etiketimet e panevojshme në kurriz të Kuvendit. Duke qenë se një pjesë e mediave kanë transmetuar pamje të Presidentit në një gjendje të Presidentit jo normale në pani të individë me të shkuar kriminale i bëj thirrje të heqë dorë nga këto prezenca. Në kushtet ku kemi pasur një aksident të rëndë,i bëj thirrje që të mos gjendet në prani të këtyre personave që janë pronarë në atë zonë. Zgjedhjet e 25 prillit nuk janë larg dhe i ftoj të gjitha partitë që të respektojnë rregullat e garës. Gara është e njëjtë dhe e barabartë për të gjithe”, tha Balla./Opinion.al
