Kreu i grupit parlamenar të PS, Taulant Balla, në një deklaratë për mediat, ka folur për procesin e zgjedhjes së Presidentit të ri.
Balla ka theksuar edhe njëherë qëndrimin e mazhorancës se nuk do të propozojnë kandidat deri në raundin e tretë duke ia lënë këtë të drejtë opozitës.
Sa i takon draftit të propozuar nga Alibeaj, Balla tha se opozita fshihet pas një copë letre duke theksuar se drafti është rrëzuar në tërësi.
“E kemi thënë që ditën e parë, të vetmin kusht, apo kriteret që PS ka artikuluar, ka qenë që Shqipëria në mandatin e ri të institucionit të presidentit, duhet të ketë një president; te krejtësisht të kundër nga Ilir Meta. Merreni Ilir Metën se si ka funksionuar, duhet të kemi një president ndryshe. Në rast se ne do kemi një president të kësaj forme si bëjmë mirë vendit. E djeshmja e sotmja janë disa ditë të bukura për Shqipërinë. Kemi përjetuar një moment historik për vlerat e Shqipërisë dhe aftësitë organizative, ndaj në këtë aspekt duhet të kemi një frymë për të zgjedhur një president mbi palët. Mendoj se të gjitha palët duhet ta shohin me përgjegjësi këtë proces. Përgjegjësinë që kemi treguar e kemi bërë reale për ato që kemi kërkuar të dëgjojmë emra. E keni dëgjuar edhe përmes diskutimeve. Të vazhdosh të fshihesh pas një copë letre, që ose të pranohet, ose të pranohet, është rrëzuar ajo në tërësi. Ramë dakord që në 2 raundet të propozonin vetëm opozita. Ne nuk do të propozojmë emra deri në datën 29 në orën 16:00 të së dielës.”, tha Balla.
