Kreu i Grupit Parlamentar të Partisë Socialiste, Taulant Balla, është shprehur se kryetari i Partisë Demokratike, Lulzim Basha, do të përballet në shtator me prova të forta për përfshirje në pastrim parash dhe lobime të paligjshme.
Gjatë një interviste televizive, Balla ka komentuar dhe deklaratën e gjermanit Martin Henze, i cili ka ngritur dyshime për lidhjen e tij me mafien në vend.
Kreu i Grupit Parlamentar të PS, sqaroi se Henze nuk është këshilltar i kancelares gjermane Angela Merkel, por një mashtrues që paguhet nga Basha.
“Unë nuk e di kush është ai. Është një mashtrues. Në shtator do të kemi prova si ky person e ka përfshirë Bashën në histori pastrimi parash dhe lobimi të paligjshëm. Nuk përfaqëson asgjë, nuk është askush, por thjesht dhe vetëm një person që paguhet nga Lulzim Basha dhe shitet në Tiranë si këshilltar i Merkel”, tha Balla./ Opinion.al E.Xh.
