Kreu i grupit parlamentar të Partisë Socialiste, Taulant Balla, në një prononcim për mediat këtë të hënë, deklaroi se në seancën e fundit plenare, një deputete e opozitës ka futur brenda ambienteve të Kuvendit një flakadan.
Teksa nuk ka bërë të ditur emrin e saj Balla tha se deputetja do ia jepte atë Spahos, duke akuzuar këtë të fundit se do të ishte atentatori.
Balla më tej u shpreh se shpreson që akte të tilla dhune të mos ndodhin në Kuvend.
“Në seancën e fundit ka pasur një përpjekje për ta përshkallëzuar dhunën në Kuvend. Një deputete duke përfituar nga fakti i të qenit zonjë ka futur në Kuvend një element të palejueshëm, një flakadan dhe pastaj atentatori do ishte zoti Spaho. Për fat të mirë duke qenë se dhe unë ju drejtova publikisht i thashë “zoti Spaho mos e shkrep flakadanin”. Shpresoj që akte të tilla dhune mos ndodhin në Kuvendin e Shqipërisë.”– tha Balla.
