Deputeti i qarkut të Elbasanit, Taulant Balla u tha të rinjve të Universitetit “Aleksandër Xhuvani” se nuk ka alternativë më të mirë se PS. “Do keni mundësi të dëgjoni shumë e shumë oferta, por unë mendoj që oferta e PS për Shqipërinë që duam, për Shqipërinë e gjeneratës tjetër është alternativa më e mirë”, u shpreh deputeti socialist.
Balla tha se vetë PS është e pakënaqur me ecurinë e reformave, por renditi disa arsye për këtë situatë. “Nuk janë vetëm në mundësitë dhe në numrat që ne kemi pasur si PS në Kuvendin e Shqipërisë dhe na është dashur të krijojmë një aleancë më të madhe. Çadra është shembulli më i qartë i politikanëve që korruptojnë gjyqtarët”, tha ai.
