Për deputetin e PS, Taulant Balla është e papranueshme që Agron Kulicaj të jetë pjesë e Komisionit të Etikës në FSHF. Përmes një statusi në Facebook, Balla shprehet se “Si ka mundesi që një njeri i inkriminuar si Agron Kulicaj mund të kontrollojë etikën në futbollin shqiptar”.
Deputeti i qarkut të Elbasanit nuk ka lënë pa komentuar edhe kandidaturën e rivalit në zgjedhjet e fundit në këtë qark, Dash Sula i cili kandidonte.
“Si mund të futet në votim Dash Sula, kur vetë FSHF i ka ndaluar përjetë prezencën në një stadium futbolli për goditje me armë dhe kërcënim me jetë të gjyqtarëve të futbollit”.
Statusi i plotë i Taulant Ballës
Sot ne Asamblene e Pergjithshme te Federates Shqiptare te Futbollit (FSHF) u zhvilluan zgjedhjet per Komisionin e Etikes.
Ne kete komision u zgjodh edhe ish-bodyguardi i Sali Berishes Agron Kulicaj, i cili rezulton te kete marre me shume vota sesa Hito Hitaj nje ikone e gjalle e historise se futbollit shqiptar. Nderkohe ne listen e kandidateve ishte edhe ish-deputeti i PD Dashnor Sula.
Si ka mundesi qe ne kete Komision kaq te rendesishem te FSHF propozohen keta lloj njerezish. Si mund te futet ne votim Dash Sula, kur vete FSHF i ka ndaluar perjete prezencen ne nje stadium futbolli per goditje me arme dhe kercenim me jete te gjyqtareve te futbollit.
Si ka mundesi qe nje njeri i inkriminuar si Agron Kulicaj mund te kontrolloje etiken ne futbollin shqiptar.
Ne foton bashkangjitur edhe emrat e fituesve. Respektoj kater zoterninjte e tjere, por eshte nje turp qe FSHF ben keto lloj procesesh dhe perkrah emrave te nderuar te futbollit, vendos ish-bodyguardin e Sali Berishes apo ish-deputetin e dhunes neper stadiume.
Shpresoj qe Asambleja e FSHF te reflektoje. Ta largoje Agron Kulicajn.
