Kryetari i Grupit Parlamentar të Partisë Socialiste, Taulant Balla, deklaroi në Parlament se janë të gatshëm të diskutojnë hapjen e listave, të kërkuara nga opozita parlamentare, por me kushtin që dhe këta të fundit të japin konsensus për Kodin Zgjedhor.
“Jemi të gatshëm dhe po ua them troc të diskutojmë hapjen e listave, duke e konsideruar një hap të rëndësishëm në përmirësimin e zgjedhjes që duhet të japin qytetarët për Parlamentin e ardhshëm. Por deri atëherë ju lutem të mos ta kthejmë Parlamentin në një diskutim që është fokusuar vetëm të kjo cështje. Fokusi ynë është rindërtimi, mirëqeverisja. Këto janë cështje që kanë të bëjnë me infrastukturën zgjedhore dhe patjetër që njerëzit kanë të drejtë dhe duhet të kenë të drejtë jo vetëm të votojnë, logon, kryetarin por dhe cilin deputet duan” tha Balla.
Nga Kuvendi, Balla u shpreh se politika duhet të arrinë marrëveshje trepalëshe për Reformën Zgjedhore, në mënyrë që pranverën e ardhshmme t’iu ofrojnë shqiptarëve zgjedhje të denja.
“Vlerësoj marrëveshjen me opozitën jashtëparlamentare, edhe pse ajo është për të mos bërë asgjë, rikthimi në fushë betejë i të dy forcave politike është dimension i rëndësishëm, ndërkohë që me ju brenda parlamentit, nëse doni, jemi gati, e kemi thënë prej majit 2019, po diskutojmë sipas një procedure shumë transparente ndryshimet kushtetuese, që kanë të bëjnë me hapje të pjesshme të listave, keni kërkuar, kufizime për koalicionet dhe pragut kombëtar, që bën sens.
Këto janë çështje që diskutohen, nesër komisioni vijon punën për ti diskutuar, kemi treguar vullnet, por edhe ju duhet të tregoni vullnet për diskutimin për kodin zgjedhor që duhet të fillojë javën e ardhshme, nuk i kemi depozituar fshehurazi, por sipas procedurës parlamentare, asnjëherë marrëveshjet nuk janë si do preferonin të gjithë, unë e vlerësoj angazhimin tuaj për të qëndruar strikt rekomandimeve të ODIHR por PD dhe të tjerë insistuan për të mos depolitizuar komisionet, kurse hapja e listave është i rëndësishëm, rreth 75 e qytetarëve e mbështesin, për këtë mos kini dyshim që PS është gjithmonë reflektim i asaj që duan shumica e shqiptarëve.
Jemi gati të vijojmë diskutimin, parlamenti vendos, ne do ta çojmë para edhe marrëveshjen me opozitën jashtëparlamentare dhe një me ju në sytë e njerëzve, ku unë e vlerësoj që ti japim mundësi çdo qytetari shqiptar, që do marrin pjesë në zgjedhjet e 9 majit, i mbetem këtij propozimi, që të votojë jo vetëm logon, por deputetin.
Por politika është arti i konsensusit, duhet të jepni atë për kodin dhe ne jemi të gatshëm tu japim konsensus për ndryshimet kushtetuese, një marrëveshje trepalëshe ku ne jemi në mes, nga një anë bijtë e nga tjetra baballarët e partive politike që ju kanë sjellë këtu të organizojmë zgjedhje të denja në pranverën e vitit të ardhshëm, që ti njohin zgjedhjet se edhe thelbi i marrëveshjes së 18 majit ishte që PD pasi mori gjysmën e qeverisë dhe vokaten e popullit dhe Valteri kishte të drejtë në kosntatimet që bëri.”, u shpreh Balla./Opinion.al
