Kryesore

Balla: Harroje se paskam dashuri për Lulzim Bashën, por kam respekt për…


               Publikuar në : 11:43 - 12/09/19 |
Al Do

Kryetari i Grupit Parlamentar të Partisë Socialiste, Taulant Balla iu përgjigj deputetit Murrizi dhe Gjoni në lidhje me akuzat e tyre për një marrëveshje mes PD dhe PS përsa i përket reformës zgjedhore. Balla tha se propozimi për një vend në komisionin e reformës zgjedhore nuk vjen nga ‘dashuria’ për Lulzim Bashën por nga “respekt për dialogun politik gjithëpërfshirës”.

Balla shtoi gjithashtu se nëse opozita jashtë parlamentare nuk e pranon këtë ofertë nuk do të mbahet peng reforma zgjedhore dhe nënvizoi se bashkëkryetarët e komisionit, Rudina Hajdari dhe Damian Gjiknuri janë në një komunikim të vazhdueshëm.

“Zoti Murrizi ua kemi thënë kemi pasur vetëm një çështje kusht për reformën zgjedhore, votën e shqiptarëve jashtë. Paraardhësit tuaj nuk e duan, shpresoj që ju të jeni dakord me këtë çështje. Përsa i përket rekomandimeve të OSBE-së për një vend si Shqipëria që vitin tjetër drejton ka presidencën janë detyrim. Padyshim historikisht teksa janë bërë reforma zgjedhore është punuar në mënyrë koherente me opozitën parlamentare dhe jo parlamentare.

Në rezultatet e zgjedhjeve të fundit, PD-LSI rezultojnë parti parlamentare, harroje ti se paskam dashuri për Lulzim Bashën, por kam respekt për dialogun politik gjithëpërfshirës. Në komisionin e reformës i është lënë edhe një karrige bosh PD-së për të ushtruar të drejtën e saj për propozime. Nëse nuk duan, nuk do të thotë se reforma zgjedhore do të mbetet peng. Rudina Hajdari dhe Gjiknuri komunikojnë në mënyrë të vijueshme. Komisioni prej sot do të ketë edhe dy anëtar të tjerë, grupi i partive të djathta, zoti Alimadhi është propozuar nga grupi dhe zoti Shameti, një jurist i shquar, një vlerë për komisionin. Do të kemi një kod të ri zgjedhor pas këtij procesi” tha Balla. /Opinion.al

Pas