Kryetari i grupit parlamentar të Partisë Socialiste të Shqipërisë, Taulant Balla, është aktualisht në Gjermani për të lobuar tek deputetët e parlamentit gjerman (Bundestag) që këta të votojnë pro çeljes së negociatave. Deputetët e maxhorancës gjermane, e sidomos të partisë kristdemokrate CDU kanë perceptimet të ndryshme për çështjen e çeljes së negociatave.
Në lidhje me takimin Balla ka deklaruar për DW se ky ishte një takim i paracaktuar për të lobuar pro hapjes së negociatave në Bundestag.
Balla u shpreh se qeveria gjermane është pro celjes së negociatave, por ndërhyrjes së gazetares se ka patur edhe zëra kundër hapjes së negociatave si përshembull deputeti Wadephul, Balla nuk ju përgjigj drejtpërdrejtë duke thënë:
“Unë kur i referohem qeverisë gjermane në radhë të parë i referohem Kancelares Merkel e cila mbetet një luftëtare e paepur e mbajtjes gjallë të procesit të zgjerimit të bashkimit evropian. Unë besoj se ka një shumicë të cilësuar brenda Bundestagut gjerman që do të mbshtesë fillimin e bisedimeve për anëtarësim me Shqipërinë dhe me Maqedoninë e Veriut paçka se ky është një proces që përfshin edhe Francën në mënyrë të veçantë, edhe Holandën.”
Balla falënderoi gjithashtu qeverinë dhe ambasadën gjermane për kontributin e dhënë në hartimin e një reforme zgjedhore.
“28 nëntori do ta gjejë Shqipërinë me një reformë zgjedhore gjithëpërfshirëse, kemi rënë dakord edhe me deputetët e rinj të opozitës për të diskutuar dhe mundësinë e rishikimit të sistemit zgjedhor” tha Balla.
Për sa i përket zgjedhjeve të 30 qershorit ai ritheksoi se mos futja e PD në zgjedhje është një vendim i pa arsyeshëm dhe që kërkesat e opozitës as nuk mund të konsiderohen nga mazhoranca.
“Nuk kam gjetur një deputet të vetëm në të gjitha takimet që të mirëkuptojë vendimin vetë asgjesues të PD për tu larguar nga Parlamenti.”
Në fund të intervistës Balla u shpreh në lidhje me ndërmjetësimin nga Gjermania që palët të ulen për dialog
“Besoj se jemi të maturuar pa qenë nevoja e miqve të huaj për të ardhur për të na ulur në tavolinë”, tha në fund Balla. /Opinion.al
