Kreu i grupit Parlamentar të Partisë Socialiste, Taulant Balla, në një konferencë për mediat ka ftuar 3 kryetarët e grupeve parlamentare të opozitës në një takim të mërkurën, në ambientet e Kuvendit për t’u konsultuar për emrin e presidentit të ri.
Balla tha se kjo do të jetë hera e parë që takohet me ta.
“Nuk kanë ndodhur takime të tjera, do të jetë takimi i parë”,-tha Balla. Ai ftoi në konsultime kreun e grupit parlamentar të PD-së si grupi më i madh i opozitës, Enkelejd Alibeajn dhe Mesila Dodën e Fatmir Mediun.
Balla u shpreh se mazhoranca do që të ulet me opozitën në konsultime pa asnjë parakusht.
“Nuk dua të hyj në këtë diskutim. As unë as kolegia ime, nuk ka kushte në këtë dialog me opozitën. Duam të ulemi me ta pa asnjë lloj parakushti. Duam t’i japim Shqipërisë një president që të ketë hije në vitin 2022”,-tha ai./Opinion.al
