Pas nisjes me tensione, ministri Taulant Balla u përfshi në një debat me deputetin e PD-së Flamur Noka.
Gjatë fjalës së tij në Kuvend, ai iu drejtua këtij të fundit duke i thënë se mendonte se kishte përfunduar mosbindja në Kuvend.
Ai i kërkoi opozitës të lejojnë zhvillimin normal të Parlamentit.
Balla: Ndajmë qëndrime të kundërta dhe kjo është arsyeja pse ka shumicë e pakicë. E dëgjova me kujdes zotin Bardhi, që iu referua një vendimi të Gjykatës Administrative. Që të jemi korrektë me publikun, kemi përpara një vendim të gjykatës me ekzekutim të përkohshëm, ky vendim nuk ka rrëzuar thelbin. Ka ulur masën, përjashtimi qëndron. Ju keni të drejtën tuaj të vazhdoni të ndiqni çështjen, tani pyetja është a do hyjmë në rrjedhën normale të punimeve të Kuvendit? Ne nuk diskutojmë kurrë vendime gjykate, edhe pse për rastin në fjalë kam komentet e mia. Gjykata Kushtetuese ka thënë që vendimet Kuvendit nuk mund të ankimohen në gjykatë Administrative. Le ta bëjmë këtë diskutim në Këshillin e Legjislacionit, shkoni aty se keni disa vendime të GJK. Miqësisht e them, një prej detyrave imediate të Kuvendit edhe në një aspekt të rrugës europiane të Shqipërisë është transpozimi i vendimeve të GJK. Unë mendova se kishte përfunduar ajo çështja e mosbindjes!
