Ministri i Brendshëm, Taulant Balla ka zhvilluar ditën e sotme një takim me Ambasadorin e Mbretërisë së Vendeve të Ulëta Reinout Vos.
Këtë lajm e ka bërë të ditur Balla përmjet një postimi në rrjete sociale, ku thotë se gjatë takimit kanë diskutuar mbi bashkëpunimin shumëplanësh me agjencitë ligjzbatuese hollandeze në luftën kundër krimit të organizuar.
Ndër të tjera ai thotë se kanë diskutuar edhe për mundësinë e marrjes së ekspertizës në fushën e sigurisë publike.
“Mirëprita në një takim Ambasadorin e Mbretërisë së Vendeve të Ulëta Reinout Vos. Bashkëpunim shumëplanësh me agjencitë ligjzbatuese hollandeze në luftën kundër krimit të organizuar si dhe mbi mundësitë e marrjes së ekspertizës në fushën e sigurisë publike”, shkruan Balla në facebook./Opinion.al
