Të pranishmit në koncertin e Iggy Azalea janë bërë dëshmitarë të një skenë të frikshme, kur një prej kërcimtareve të saj i ra të fikët në skenë.
Ngjarja ka ndodhur të enjten gjatë performancës së këngëtares në stadiumin Maracanã në Rio de Janeiro në Brazil. Sipas Daily Mail balerina u rrëzua pasi pësoi një krizë epilepsie.
Në videon i cili po bën edhe xhiron e rrjetit mund të shikoni balerinën e cila bie në skenë dhe trupin që i lëviz vazhdimisht. Ndërkohë, Iggy pasi bën thirrje për një mjek, fillon të këndojë “Black Widow”, deri në momentin që mbaroi muzika dhe një heshtje e tmerrshme bie mbi stadium.
Mjekët në fakt sollën një ambulancë në stadium për ta larguar balerinën, por ndjekësit shprehen të çuditur me reagimin e Iggy-t e cila ka vazhduar performancën e saj edhe pse shihte balerinën e shtrirë në skenë.
Më vonë ajo sqaroi në rrjetet sociale atë që kishte ndodhur. Iggy ka treguar se ajo vazhdonte të këndonte sepse mendonte se balerina u rrëzua vetëm se ndrydhi kyçin e këmbës.
