Milan është rikthyer te fitorja në Serinë A pas dy humbjeve me Napolin dhe Udinezen.
Të besuarit e Montelës kanë arritur të marrin tri pikët në transfertën e vështirë të Sampdorias falë një goli të sulmuesit kolumbian Karlos Baka në minutën e 85të.
Sampdoria dominoi takimin në pjesën e parë por nuk arriti të gjente golin, ndërsa pjesa e dytë foli vetëm për kuqezinjtë të cilët arritën të zhbllokonin takimin vetëm në minutat e fundit.
Kjo fitore rikthen buzëqeshjen dhe besimin në kampin kuqezi duke i ngjitur ata në kuotën e 6 pikëve në 4 javë, njësoj sa Sampdoria. Milan mban provizorisht vendin e 8 në renditje, ndërsa Sampdoria vendin e 7.
