Qytetarët e Kosovës dhe të gjithë shqiptarët kudo që janë, këtë të shtunë, festojnë 10-vjetorin e Shaplljes së Pavarësisë së Kosovës.
Për nder të kësaj dite do të ketë aktivitete të ndryshme në të gjitha komunat e Kosovës, ndërsa seanca solemne e Kuvendit të Kosovës dhe marshimi i trupave të FSK-së, do të jetë të dielën, më 18 shkurt.
Dhjetë vite më parë, Kuvendi i Kosovës përmes një deklarate të nënshkruar nga deputetët e Republikës, veç atyre serbë, shpallën Kosovën shtet të pavarur dhe sovran, duke u realizuar kështu dëshira shekullore e shqiptarëve për të fituar pavarësinë.
17 shkurti 2018 shënon ditën kur shteti i Kosovës mbush një dekadë prej kur është shpallur i pavarur.
Të dielën e 17 shkurtit 2008 në orën 15:39 në Kuvendin e Kosovës u lexua Deklarata e Pavarësisë. Nga ai çast, Kosova u shpall e pavarur derisa në Ballkan u konfirmua edhe një shtet i ri.
Ky proces u bë i zakonshëm në ditët e para pas Pavarësisë, ndërsa deri më tani, Kosovën e kanë njohur 113 shtete.
10 vite më pas, si duket Kosova?
Fjala Kosovë nuk thotë më asgjë nga ato që ishin menduar dikur, nuk shpreh më asnjë nga idealet e dikurshme, është shndërruar në një përzierje fatale të krizës së përhershme të vlerave dhe e konfuzionit politik, identitar, historik, botëkuptimor, fetar dhe kulturor; një përzierje fatale e moralit të gënjeshtërt dhe e derivateve të tij me snobizmin, padijen dhe injorancën. Kosova sot duket aq e vogël dhe aq e pafuqishme. Emigracioni masiv e ka zvogëluar më tepër, aq më shumë dhe papunësia. E pafuqishme, pasi çështjet e pazgjidhura të krimeve të luftës, duket se janë kokëçarjet e mbështetësve ndërkombëtar të Kosovës.
10 vite më pas, Kosova dhe jo vetëm, një botë shqiptare e përfshirë nga krizat ciklike është jashtëzakonisht e përshtatshme që vendi të bëhet deponim mbeturinash, qytetet e saj të përfshihen nga një kaos urban i paparë, ndërsa kryetarët e komunave sërish dhe sërish të kandidojnë të bëhen kryetarë. Në një Kosovë të këtillë sekush mund të fyejë idhujt kombëtarë, sekush mund të poshtërojë simbolet, sekush mund të propagandojë radikalizmin fetar, sekush mund të organizojë eksod ilegal dhe trafikim emigrantësh në qendër të Prishtinës, dhe sërish të mbetet i pandëshkuar. Një Kosovë e këtillë është parajsë për gjykatës dhe prokurorë të korruptuar, për profesorët që regjistrojnë studentë me para, që shesin nota dhe tituj shkencorë e universitarë. Në një Kosovë të këtillë ndihet mirë intelektuali provincial, shkrimtari mediokër, piktori diletant, krijuesi i patalentuar.
Bac, çikat n’a zbardhën faqen
Dua Lipa, Rita Ora dhe Majlinda Kelmendi mund të konsiderohen si ndër shqiptaret më të suksesshme dhe të famshme në botë. Dy këngëtaret, pavarësisht origjinës së tyre, arritën që të futën furishëm në shoubizin ndërkombëtar, duke u shndërrua në idhuj për shumëkënd. Lista vjetore e Forbes ’30 Under 30′, mes emrave më të suksesshëm të botës së artit përfshiu edhe Dua Lipën dhe Rita Orën. Këlmendi si askush tjetër, ka ngritur fitimtar flamurin e shtetit të Kosovës në dhjetra kompeticione të rëndësishme të sportit të xhudos në botë.
“Këngëtarja Rita Ora drejtoi një sezon në America’s Next Top Model, dizenjoi koleksione të shumta veshjesh dhe një buzëkuq Rimmel ndërsa punoi për këngën e saj rekord, që ishin dy për këtë vit,” shkruan Forbes.
Dua Lipa, e cila gjithashtu pati vitin më të suksesshëm në karrierën e saj deri tani, përfshihet në listë falë sukseseve me albumin debutues.
22-vjeçarja u bë hit botëror me “Neë Rules” që ka marrë 1 milion klikime në YouTube si dhe u bë femra e parë që dominoi në top-listat zyrtare të Britanisë së Madhe që nga viti 2015.
Një tjetër rekord, është shënuar nga xhudistja Majlinda Kelmendi, e cila arriti një sukses historik. 22-vjeçarja u shpall kampione e botës në Botërorin e xhudos për seniorë që u mbajt në Rio de Janeiro të Brazilit. Kelmendi ka fituar shumë tituj të tjerë, duke ngritur fitimtar flamurin e Kosvës në shumë kompeticione të rëndësishme në sportin e xhudos.
Çfarë shkruan sot media perëndimore për Kosovën?
-Emigracioni… Papunësia e rinisë dhe çështjet e dyshuara e të pazgjidhura të krimeve të luftës- këto janë kokëçarjet e mbështetësve ndërkombëtar të Kosovës.
-Kosova është shteti i 51-të i lidhur me Shtetet e Bashkuara.
-Festa me banderola shkon drejt bulevardit ‘Nënë Tereza’ në Prishtinë. Rreth skenave janë mbledhur mijëra dhe pritet të vijë këngëtarja e lindur në Britani, Rita Ora.
-Mes të të ftuarve do të jetë edhe Cherie Blair, burri i të cilës mbahet mend për rolin udhëheqës të NATO-s në Kosovë.
-“Kjo është ndjenja e dinjitetit dhe krenarisë për arritjet e Kosovës”, thotë presidenti Hashim Thaçi.
-Bernard Kouchner, një ish përfaqësues special i OKB në Kosovë, që më parë ishte ministër i jashtëm i Francës, e përshkruan Kosovës si “një nga sistemet më të suksesshëm të OKB”.
-“Nuk ka më luftë, luftë të përgjakshme, dhe tani nuk ka më luftë”, tha ai.
-Kosova ka moshën më të re në Europë, por ekonomia gjeneron vetëm gjysmën e nevojave vjetore të vendeve të punës.
-Rreth 190 mijë kosovarë mendohet se kanë lënë vendin e tyre në dekadat e kaluara, pavarësisht nga regjimi strikt i vizave në BE.
-“Na duhet të rrisim ekonominë. Por korrupsioni është kanceri i shoqërisë sonë. Jam i bindur se njerëzit që na udhëheqin nuk janë njerëzit e duhur”, tha Ismet Gegaj, 72 vjeç.
-“Komuniteti ndërkombëtar ka ambicie shumë të ulëta mbi Kosovën”, tha Albin Kurti.
-Serbia nuk e njeh Republikën e Kosovës. Rusia dhe Kina e kanë bllokuar anëtarësimin e saj.
-Marrëdhëniet ndërkombëtare të Kosovës janë komplikuar kohët e fundit kur udhëheqësit e saj deshën të eliminojnë Gjykatën Speciale të Krimeve të Luftës.
-Por sovraniteti nuk është i vetmi shqetësim këtu. Afër një mbishkrimi që përkujton Oliver Ivanović, një politikan lokal serb që u vra më 16 Janar. Për vrasjen u fajësuan të dy anët me njëra tjetrën .
-Por të gjithë kanë frikë se kjo mund të shkaktojë një zinxhir reagimesh dhe konfliktesh.
-“Mund të kemi një eksod të ri, shkatërrimin e trashëgimisë dhe kaos” Father Sava Janjic, babai shpirtëror i Kishës Serbe Visoki Dečani të shekullit 14 në Kosovë, në kodrat perëndimore të mbuluara nga bora./Opinion.al
/Reldar Dedaj
