Kryesore

“Babëzia e shekullit”,Meta: Me firmën e të vdekurve u bënë transaksione 5-6 mln €



Bëhu pjesë e Grupit Zyrtar të Opinion.al
>> KËTU <<
               Publikuar në : 14:32 - 12/07/22 |
Opi Nion

Presidenti i vendit, Ilir Meta foli edhe një herë për skandalin e inceneratorëve.

Në një prononcim për mediat nga Presidenca, Meta i ka cilësuar të gjitha faktet e publikuara nga LSI në lidhje me aferën e inceneratorëve si babëzia e shekullit, që përdorin njerëz që s’jetojnë më për të mbuluar veprimet penale.

Presidenti tha se me firmën e personave të vdekur, me falsifikimin e firmave të tyre, janë bërë transaksione me miliona euro.

Ai i bëri thirrje Kuvendit që të merret seriozisht me këtë çështje pasi sipas tij ende nuk ka filluar maja e ajsbergut me aferën e inceneratorëve.

Përveç pensionistëve që janë në azile, që figurojë në mënyrë të paditur me veprime që kapërcejnë mbi 30 mln euro, çobanit që është në Greqi me rrogë 300 euro, që figuron me veprime të pakryera nga ai, me miliona euro këtu. Së fundmi për fat të keq për të kuptuar dramaticitetin dhe imoralitetin e tejskajshëm të kësaj babëzie që është babëzia e shekullit, thjesht t’u zbuluan faktet dhe për një qytetare të ndjerë që është ndarë nga kjo botë para 5 vitesh. Me firmën e saj gjatë këtyre viteve janë kryer transaksione 5-6 mln euro. Kjo është ulëritëse, tronditëse. Me një qeveri që deklaron se; s’kemi ça t’i bëjmë ne zjarrit se s’kemi helikopter. Zjarr që kërcënon pyjet më të bukura që kemi, apo dhe Llogara, apo dhe ishullit të vetëm që kemi. Sot shohim një situatë të rëndë korrupsioni, flagrante, shohim se në këtë kohë krize, ku qytetarët janë të rrezikuar që nga mbrojtja e shëndetit, shohim se askush nuk mban përgjegjësi. Çfarë është kjo QKB që pranon të bëjë veprime të tilla. Çfarë janë këto noterë që bëjnë këto veprime. Kush mban përgjegjësi për këto skandale që vetëm thellohen. Si mund të vazhdohet afera e inceneratorëve, kur dihet që paratë shkojnë për llogari të krimit. Para të qytetarëve, është situatë dramatike dhe ftoj Kuvendin të merret me këtë çështje sepse ende nuk ka filluar edhe maja e ajsbergut me aferën e inceneratorëve”,-tha Meta.

Pas