Policia e Durrësit ka arrestuar babë e bir në Kavajë, pasi kanë ushtruar dhunë ndaj njëri-tjetrit. Në pranga ka rënë dhe një 34-vjeçar, i cili ka kanosur me thikë kushërirën e tij.
Gjithashtu është arrestuar dhe një 36-vjeçar, i cili ishte në kërkim pasi Gjykata e Durrësit i ka caktuar masën e sigurisë “Arrest në burg” për veprat penale “Prodhimi dhe shitja e narkotikëve”, “Plagosja e lehtë me dashje” dhe “Largimi i të burgosurit nga vendi i qëndrimit”.
“-B. A., 34 vjeç, banues në fshatin Luz, Kavajë, pasi ka kanosur me mjet prerës (thikë) kushërirën e tij 29 vjeçe;
-I. Ç., 65 vjeç dhe B. Ç, 32 vjeç, babë e bir, të dy banues në Kavajë, pasi kanë ushtruar dhunë ndaj njëri-tjetrit”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./Opinion.al
