Seanca gjyqësore për deputetin e PD, Ervin Salianji është shtyrë. Mësohet se arsye për shtyrjen ka qenë kërkesa e bërë nga përfaqësuesi ligjor i Jetimir Olldashit, Indrit Sefa, për përjashtimin e gjyqtares Iliba Bezati
Seanca e radhës do të mbahet në 24 prill në orën 10:00
Salianji akuzohet për shpifje për një denoncim publik për lidhjet e qeverisë me trafikante dhe për favorizimin që qeveria ju bënte trafikantëve.
Partia Demokratike dhe Ervin Salianji pretenduan që lidhjet me krimin mbaheshin nga vëllai i ish-ministrit Fatmir Xhafaj. Opozita akuzoi fort se si një i dënuar me 7 vjet heqje lirie në Itali jetonte i lirë në Shqipëri prej me shumë se 8 vitesh nga dhënia e dënimit në Itali.
Në atë periudhë gazetari investigativ Jetmir Olldashi publikoi një tjetër video ku i ashtu quajturi “Babale” u paraqit si drejtues i skafit të vëllait të ish-ministrit të Brendshëm.
Pas denoncimit të tij opozita dhe Salianji publikuan rastin, për këtë u hap një hetim penal me kallëzimin e Agron Xhafajt ku Salianji akuzohet për shpifje.
