Është lënë në fuqi masa e sigurisë për Jetmir Olldashin dhe Fredi Alizotin. Bëhet fjalë për rastin “Babalja”, i cili u publikua disa muaj më parë nga Partia Demokratike me protagonist Albert Veliu dhe gazetarin Jetmir Olldashi. Gjykata ka caktuar masën e sigurisë “detyrim paraqitjeje” për gazetarin Olldashi, si edhe arrest me burg për Fredi Alizotin, i cili akuzohet si aktori që ka bërë zërin e Agron Xhafaj.
Pas përfundimit të seacnës avokati i Alizotit ka kërkuar masë më të lehtë sigurie për të për shkak të rrethanave të vështira të tij. Ndërsa avokatët e Olldashit nuk pranojnë asnjë prej provave, pasi sipas tyre ai thjesht po kryente një investigim. Sipas tyre nuk ka asnjë provë që tregon se Olldashi ka bërë “kallëzim të rremë”.
