Detaje të reja janë bërë të ditura rreth krimit të ndodhur në Gjermani, ku shqiptari ka vrarë me armë zjarri dy fëmijët e ti, ka plagosur gruan dhe më pas vrau veten.
Mediat gjermane raportuan se një zhurmë e madhe u dëgjua në një shtëpi në Kleiner Glinder Berg në orën 22:53 dhe fqinjët menjëherë thirrën policinë.
Gjashtë makina policie shkuan në vendngjarje ndërsa oficerët gjetën dy fëmijë të vdekur të moshave 13 dhe 11 vjeç, të ekzekutuar me të shtëna arme zjarri në kokë.
Pak metra më tutje ndodhej edhe Flamur R. i vdekur.
Ndërsa gruaja e tij Advije R. 38-vjeç është plagosur rëndë dhe është transportuar në spital. Raportohet se ajo ka disa plagë me armë zjarri dhe është në gjendje kome artificiale.
Sipas informacioneve, bashkëshortja 38-vjeçare ka bërë ende thirrjen e urgjencës pas të shtënave.
Pse Flamur R. iu mori jetën me gjakftohtësi dy djemve të tij?
Kjo tani është përcaktuar nga skuadra e vrasjeve K1. Tashmë dihet se në familjen shqiptare ka pasur shpesh debate. Flamur R. mësohet se ka qenë gjaknxehtë sipas fqinjëve.
Ndërsa mësohet se në të kaluarën ai ka kërcënuar edhe të afërmit, të cilët e kanë denoncuar në polici.
Sipas zyrës së mirëqenies për të rinjtë, djemtë e tij gjithashtu kishin thirrur policinë në mars 2020, pas një debati të ashpër mes prindërve të tyre./Opinion.al
