Një baba filipinas arriti të shëptoi të birin nga dhëmbët e një krokodili, duke e kafshuar reptilin e rrezikshëm në këmbë, derisa e detyroi qe ai ta lëshojë fëmijën.
12 vjeçari Diego Abulhasan, ishte duke notuar me vëllain e tij më të vogël në lumin pranë shtëpisë në qytetin Balabac në Filipine, kur një krokodil e sulmoi dhe e tërhoqi brenda ujit.
Tejada Abulhasan babai i djemve, dëgjoi të bërtiturat dhe vrapoi nga shtëpia në një distancë rreth 100 metër duke u futur në ujë, ndërsa mbante në duar një copë dërrasë. Ai e qëlloi kafshën në mënyrë të vazhdueshme me drurin që mbante në dorë, por krokodili nuk po e lëshonte Diegon.
Në një çast dëshpërimi, babai i fëmijës e kapi krokodilin nga këmba dhe nisi ta kafshonte disa here radhazi, si një Rotvajler, shkruan Daily Mail.
Mrekullisht, krokodili e lëshoi fëmijën dhe u largua në ujë, ndërkohë që Abulhasan e mori të birin e plagosur dhe e çoi në spital.
“Kishte aq shumë adrenalinë në trupin tim, sa që nuk kisha kohë të mendoja. Isha duke e qëlluar krokodilin dhe ai nuk po e lëshonte djalin tim. Po përleshesha me krokodilin dhe po shiheshim në sy. Pastaj nuk e di se si më erdhi idea ta kafshoj. E kapa këmbën e tij dhe e kafshova aq fort sa pata mundësi, si një qen Rotvajler”, tha babai i djalit për policinë.
Diego kaloi dy netë në spital dhe më pas u largua në shtëpi, pa dëmtime serioze./ M.B
